Friday, May 30, 2014

5 افكار لارتداء البنطلون الملون

ازيكم ،
اتكلمنا في مرة سابقة عن الترندز في فصل الصيف للسنة دي و كان من ابرز القطع هو البنطلون الملون ، و الحقيقة البنطلون الملون مناسب جداً لفصل الصيف لأنة لا يساهم في الشعور بدرجات الحرارة المرتفعة زي البنطلونات الداكنة كمان لأنه مبهج و يصلح لكل الأوقات و يمكن ارتدائة بشكل كاجوال او سمارت كاجوال للعمل او خروجات بعد الضهر.
ازاي تلبسي و توفقى البنطلون الملون النهاردة جبت لكم شوية افكار مختلفة و كمان الاماكن اللي ممكن تحصلي منها على قطع للحصول على اللوك .


كيت ميدلتون اصبحت ايكون للموضة منذ يوم زفافها الأسطوري و فستان الزفاف البسيط و الأنيق ، و الحقيقة هي دايماً بتتبع الأسلوب البسيط في ملابسها لذلك دايماً اللوك بتاعها بيعجب ناس كتير و بيصلح ارتدائه معاهم. كيت ميدلتون ظهرت ببنطلون ملون باللون ال coral و بالمناسبة هو من الألوان المفضلة عندي و بيليق على كل الوان البشرة، ووفقت معاع بليزر باللون الكحلي 

البنطلون من Stradivarius سعره 229 جنيه 
البليزر من Zara سعره 399 جنيه.



اللوك التاني كاجوال و مريح جداً بنطلون باللون الأصفر مع قميص جينز لبني، ولأنه لوك بسيط ممكن تزودي اكسسوار زي حزام بني رفيع و Necklace ملون او دهبي . لو مش من محبي اللون الأصفر ممكن تبدلي البنطلون بأي لون تاني من اختيارك لأن القميص الجينز يليق على معظم الألوان.

البنطلون من Stradivarius سعره 229 جنيه 
القميص من روجادا سعره 179 جنيه .


درجات الأخضر الفاتح mint او aqua green حاضرة بقوة السنة دي و خاصة في البنطلون و هو لون صيفي مبهج جداً 
اللوك ده اتوفق اللون المينت مع طبعة الفهد leopard مع كوليه ملون كبير و شنطة جملي . 


البنطلون من Promod سعره 300 جنيه 
البلوزة من روجادا السعر 219 جنيه 







البنطلون الأبيض عاد بقوة السنه دي و يعتبر من الألوان الاساسية لانه ممكن يليق على الوان كتير و تم توفيقه مع توب مينت .

البنطلون من زارا سعره 399 جنيه 
التوب من برومود سعره 250 جنيه 








البنطلون المشجر من الترتدز المكتسحة السنة دي و لانه بطبيعته الوانه قوية و صريحة فالأفضل يتوفق معه قطعة سادة و بسيطة زي القميص الجينز او بلوزة بيضاء ساده 

البنطلون من Stradivarius سعره 229 جنيه








Monday, May 26, 2014

افضل بودي سبلاش من Bath&Body works



سلسلة باث اند بودي وركس من الاسماء المعروفة في عالم العطور، بتقدم روائح رائعة وثابتة في كل منتجاتها سواء عطور، كريمات، شموع للبيت و دايماً بتقدم روائح جديدة . من أكثر انواع البودي سبلاش المفضلة عندي باث اند بودي وركس لأنها عادة بتكون روائح مميزة ، ثابتة جداً  و قوية. 
اليوم هنقل لكم افضل انواع البودري سبلاش عن تجربتي مع Bath&Body Works 


Pink Chiffon 
رائحة ناعمة جداً و صيفية جداً النوتس الئيسية فيه هي 
 التوت،الكمثرى ، الياسمين،ازهار التفاح مع قاعدة من المسك،خشب الصندل و الأوركيد.


Japanese Cherry Blossom
النوع المفضل بالنسبة لي له رائحة مميزة و قويه جداً النوتس الرئيسية فيه من زهور الكريز،الورد،التفاح، الليلي مع قاعدة من الفانيليا،العنبر،القرفة و خشب الصندل.


Honey Sweetheart

من اجمل الروائح في البودي سبلاش منعشة و مبهجة جداً النوتس الرئيسية من   اليوسفي،الخوخ،الجريب فروت،الجاردينيا و زههر التفاح مع قاعدة من الكراميل،العنبر و المسك 

Twilight Woods 

من الروائح الجميلة و تصلح لأي وقت النوتس الرئيسية التوت ،جوز الهند، المشمش مع قاعدة خشبية من العود،المسك،الفانيليا و التوابل.

 كل مجموعة البودي سبلاش معها شاور جيل و لوشن بنفس الرائحة.

  العبوة عبارة عن زجاجة سبراي حجمها 236 مل و السعر 185 جنيه . عادة بيتعمل عرض اشتري واحدة و الثانية مجاناً ممكن تستفيدوا منه و متابعة العروض عن طريق صفحة فيسبوك الخاصة بهم https://www.facebook.com/BathAndBodyWorksMiddleEast

Thursday, May 22, 2014

منتجات تجميل من المطبخ !

Photo Source


ايوه ..انت قرأت العنوان صح ادوات تجميل من المطبخ . المطبخ ملىء بكنوز توابل،خضروات و غيرها كلها اساس لصنع وصفات لذيذة لكن كمان يمكن الاستفادة من كل المواد الموجوجة في المكبخ كبدايل لمنتجات التجميل و العناية بالبشرة . و الأن لنتعرف على الوصفات السرية للتجميل داخل المطبخ.

زيت الزيتون مزيل للماكياج

استخدمي قطعة قطن مبللة بزيت الزيتون لأزالة الماكياج حتى من العيون . زيت الزيتون مزيل جيد بالاضافة لقدرته على ترطيب الجلد دون اي كيماويات.

خل التفاح لشطف الشعر .

استخدام خل التفاح يساعد على ازالة الرواسب الكيميائية للشعر و اعادة اللمعان . اخلطي 1/2 كوب خل تفاح من 1/2 كوب ماء و استخدميه لشطف الشعر بعد الغسيل بالشامبو مرة كل اسبوع.

البيكنج صودا لتهدئة الوجه

اذا كانت بشرتك حساسة تتأثر بالتعرض للشمس او السكراب يمكن علاج ذلك بخلط معلقة صغيرة من البيكنج صودا مع قطرات من المياة و تدليك الوجه بها مبلل و يشطف .

الكورن فلاور بودرة للوجه 

خلصت البودرة ؟ مفيش مشكلة استخدمي الكورن فلاور او نشا الذرة مع فرشاة البودرة لتوزيع طبقة خفيفة و ستعمل كما البودرة السائبة loose powder لامتصاص الزيوت و الحفاظ على الماكياج.

زيت الطعام لترطيب الأظافر

اذا كنتي تعاني من جفاف الاظافر و الجلد المحيط بها استخدمي زيت الطعام في تدليكها لترطيب فوري .

البن  لازالة الروائح من اليدين 

سواء من البصل و الثوم او التدخين فرك اليدين بكمية من البن يزيل الروائح تماماً 

الملح سكراب لليدين 

طريقتي المفضلة لسكراب اليدين ،ضعي طبقة من الفازلين او الكريم على اليدين دول التدليك واستخدمي كمية من الملح للتليك بصورة دائرية لمدة دقيقتين .

الليمون لتفتيح الشعر 

استخدمي عصير 2 ليمونة كبيرة مع كوب من الماء و رشيه على الشعر باستخدام بخاخة و عرضي الشعر للشمس لمدة ساعة  للحصول على خصلات فاتحة .

السكر سكراب للشفايف 

اخلطي كمية صغيرة من السكر مع Lip Balm او الفازلين و استخدميه بطريقة دائرية على الشفايف لتقشير الشفاة و التخلص من الجلد الجاف.

الشاي للقضاء على روائح القدم .

للشاي خواص مضادة للبكتريا كذلك زيت شجرة الشاي، للقضاء على روائح القدم خاصة في الصيف مع التعرق تغلى كمية من الشاي وتبرد و تنقع الاقدام لمدة 30 دقيقة.


Sunday, May 18, 2014

10 افكار لاعادة استخدام تي شيرت قديم.


لا يخلو دولاب من تي شيرت قديم لم يعد يستخدم  لكن يمكن الاستفادة بكل ال تي شيرتات القديمة لعمل افكار جديدة للأستفادة منها في الملابس، الاكسسوارات او البيت . النهاردة جمعت لكم افكار رائعة لاعادة استخدام التي شيرت و نفذت بعضها و كانت النتيجة لطيفة جداً . تعالوا نشوف الأفكار.

1- سكارف بشراشيب 
الشراشيب موضة جداً ، و سكارف الشراشيب ممكن يعطي مظهر رائع لاي بلوزة بسيطة ، ممكن تنفذي الفكرة دي.
Source

2-تانك توب 
التانك توب مفيد جداً للبحر او الجيم ، ممكن تحولي التي شيرت لتانك بالطريق المبتكرة دي .

Source

3- شنطة ضهر.
ايه رأيك تعملي شنطة بسيطة زي دي.

Source


4- سكارف 

شكل تاني للسكارف ممكن تنفيذه من تي شيرت .

Source

5- سورتيت للشعر .

سورتيت على شكل ضفيرة ممكن يبقى لطيف جداً على البحر او اثناء التمارين الرياضية.

Source


6- شنطة للتخزين 
اسهل و أسرع شنطة ممكن تتعمل و تتسع لأشياء كتيرة.


7- خداديات 

لو عندك تي شيرت باشكال و رسومات لطيفة ممكن تحوليها لخداديات. الفكرة مناسبة جداً للأطفال لو التي شيرت بأشكال الكارتون.



8 - كوليه 
نوع محتلف من الاكسسوار بالقماش بدل المعادن.


9 - شال 
ايه رايكم في الشال ده؟


10- وردة 

الوردة اللطيفة دي ممكن تتعمل و توضع على سورتيت او بلوزة بالطريقة البسيطة دي .


 

Saturday, May 17, 2014

عرض منتجات العناية بالجسم من The Body Shop



هل انت من محبي منتجات بودي شوب؟ 
الحقي الفرصة و استغلي عرض The Body shop على جميع انواع منتجات العناية بالجسم (البودي باتر - اللوشن )
العرض اشتري منتجين و أحصلي على التالت مجاناً في جميع الفروع .
اسعار المنتجات الاصلية تترواح بين 150- 170 جنيه و حجم العبوة 200 مل.
العرض مستمر حتى يوم 3/6/2014

Friday, May 16, 2014

بالصور: عرض ازياء شانيل في دبي


بيت الأزياء الشهير شانيل مؤخراً اقام عرض ازياء في دبي لعرض مجموعة ما قبل ربيع 2015.
تم تقديم مجموعة كبيرة من الموديلات غلب عليها الطابع العربي بالألوان و النقوش  كذلك الموديلات ، الموديلات الفضفاضة ذات الطبقات الكترة  كانت لها الغلبة كذلك البنطلونات  الواسعة المستوحاة من موديل علاء الدين . الاكسسوار كان متاثر بالطابع العربي كذلك في الأحذية و المجوهرات ، حتى ماكياج العارضات غلب عليه الطابع العربي بالكحل الأسود و smokey eyes.
اللون الدهبي كان له حضور كبير كذلك نقوش الورد الكبيرة و الترتر . الساتان و الشيفون كانت اكتر الأقمشة المستخدمة

مجموعة صور من العرض














Tuesday, May 13, 2014

افضل 5 أنواع مرطبات الجسم.


كريم الجسم من المنتجات المهمة في الروتين اليومي لأنها بتحافظ على ترطيب الجلد لأاطول فترة و بتحمية من الجفاف بفعل التعرض للشمس ، تغييرات الجو وغيرها و لأن الجفاف بيسبب مشاكل كتيرة مثل الجلد المشدود، تغيير في لون بعض المناطق و شيخوخة الجلد المبكرة فأنا اؤمن ان الوقاية خير من العلاج . لذلك استخدام مرطب للجسم من الحاجات المهمة و في اشكال كتير لمرطبات الجسم (لوشن- بادي ميلك - بادي باتر) كلهم الفروق بينهم بسيطة لكن بيأدوا نفس الوظيفة و هي الترطيب . النهاردة هتكلم عن مجموعة من كريمات الجسم موجودة في السوق و انا جربتها و حقيقي كانت نتائجها رائعة لذلك برشحها لكم .


بدي باتر باشون فروت من The Body shop

المنتج المفضل بالنسبة لي من منتجات ترطيب الجسم ، عبارة عن body butter و هو مناسب جداً للشتاء و الصيف و مناسب للجلد حتى شديد الجفاف ، تركيبة سميكة و كريمي جداً لكن الميزة ان الجلد بيمتصة بسرعة و لا يترك اثار دهنية . التركيبة تحتوي على زبدة الشيا و شمع عسل النحل الرائحة فاكهة الباشون فروت جميلة جداً و منعشة جداً . العبوة 200 مل.


لوشن فازلين بزبدة الكاكاو.

المنتج السحري للعناية بالبشرة . لوشن رائع من فازلين يحتوي على زبدة الكاكاو المرطبة و يتميز بترطيب عميق حتة للاماكن شديدة الجفاف زي الكوعين. ملمس اللوشن ناعم و الي حد ما سميك لكن الجسم يمتصه بسهولة . اجمل ميزة في لوشن زبدة الكاكاو انه منتج متكامل يمكن استخدامه لجسم، كريم ايدين ،كريم للقدم . لو كنتي لا تفضلي استخدام منتجات كتيرة اللوشن ده ممكن يغنيكي عن الباقيين. يوجد احجام مختلفة للعبوة من 50 الى 300 مل.



لوشن سويت بي من Bath & Body Works 
باث اند بودي وركس مشهور بالعطور و منتجاته العطرية كمان اللوشن الخاص به رائع جداً لأنه خفيف و سهل الأمتصاص في الجلد لكن الميزة الأكبر هو الرائحة. ريحة اللوشن خليط بين الفواكه _كمثري- توت) و بين الزهور و المسك و الرائحة بتثبت فترة طويلة و ممكن تستغني عن استخدام بودي سبلاش مع اللوشن.حجم العبوة 236 مل


لوشن هابي تايم من نيفيا 
نيفيا اسم قديم في الكريمات لذلك لوشن الجسم منه رائع جداً في الترطيب  لوشن هابي تايم يحتوي على لبن البامبو و يمتص بسرعة ولا يترك اثار دهنية على الجلد . رائحة اللوشن خليط بين البرتقال و الليمون. مناسب جداً للصيف حجم العبوة 250 مل.


بودي ميلك الورد المغربي من The body Shop.
حليب الجسم او بادي ميلك خفيف و رائع جداً يحتوي على زيت الورد،زيت الزيتون  و زبدة الشيا ملمسه الخفيف يمتص بسرعة لا يترك اي اثار . الرائحة الغالبة هي الورد المغربي جميلة جداً و هو من الروائح و المنتجات المفضلة لي.العبوة ببخاخ بيسهل الاستخدام  حجم العبوة 250 مل