استخدام الزيوت العطرية لعلاج البرد و الانفلونزا

مع تقلبات الجو و تغيير الفصول تكثر نزلات البرد و الزكام و لحسن الحظ انها من الحالات التي يمكن علاجها باستخدام الزيوت العطرية (الأروما ثيرابي) هناك محموعة من الزيوت مجربة و اثبتت فاعليتها جداً في علاج البرد و بالطبع بتكون افضل من استخدام العلاجات الكيماوية بالاضافة للاعشاب الطبيعية مثل  الينسون و الشاي الأخضر و فيتامين C الموجود ببعض الفواكه مثل الحمضيات و الجوافة .

من اشهر الزيوت العطرية المفيدة في حالات البرد :

• لعلاج ارتفاع الحرارة يمكن عمل مساج للاقدام باستخدام زيت النعناع مع الكمادات البارده.
• لاحتقان الزور زيت الزعتر يتم عمل  غرغرة مع مياه دافيه او في حمام بخار.
• للصداع زيت النعناع او اللافندر يدلك به الرقبة من تحت الراس و اجناب الجبين فوق العين.
• لالام العضلات و الجسم مساج بخليط زيت النعناع و الريحان مع زيت حامل مثل زيت اللوز او جوز الهند
• للكحة و الام الصدر يخلط زيت النعناع،الليمون و الروزماري  و يوضع في حمام بخار لاستنشاقة 
• زيت شجرة الشاي معروف بخواصه المضادة للبكتريا لذلك يمكنه علاج طفح اجلد المصاحب للحرارة عن طريق تمريره بقطعة قطن نظيفة، كذلك يمكن وضعه في بجاخة مع ماء و يرش في الهواء للقضاء على العدوى ووقاية الأشخاص الأخرين في المنزل. 

ملحوظة: يجب تجربة اي زيت على قطعة صغيرة من الجلد قبل الاستخدام المباشر لاختبار وجود اي حساسية . 

بالصور: تسريحة كعكة للشعر مع ضفيرة.

تسريحة بسيطة تصلح لأي وقت شكلها جميل و طريقتها سهلة وبسيطة جداً 

الادوات اللازمة :

• مشط للشعر 
• بنس شعر
• توكة شعر رفيعة 
• hair donut او دونت للشعر للحصول على كعكة كبيرة و ممتلئة (متواجدة في محلات مستلزمات الكوافير او  H&M سعرها 40 جنيه)
• اكسسوار للشعر (اختياري لو تحبي تزوديه)

و الخطوات كما في الصورة 

Credit: Latest-Hairstyles.com

10 استخدامات جديدة و مختلفة للبيكنج صودا

البيكنج صودا (baking soda) مسحوق يستخدم عادة في الخبز و اعداد الطعام و هو مادة رخيصة الثمن و متوفرة في المنزل باستمرار . لكن هذا المسحوق له استخدامات عديدة مذهلة  جمعت لكم مجموعة منها لتكونوا على علم بها.

• منظف للوجه: اخلطي ملعقتين من البيكنج صودا وملعقة من الماء الدافئ لصنع معجون و قومي بتوزيع الخليط بطريقة دائريه على وجه مبلل للتخلص من اثار الغبار و الدهون.
• حمام للقدمين : اضافة فنجان من البيكنج صودا لبعض الماء الدافئ لنقع الاقدام سيعمل على تهدئة، تنظيف وتنعيم القدمين بعدها جففيهم واستخدمي الكريم اليومي.
• علاج حروق الشمس : بعد التعرض لأشعة الشمس اضيفي كميه من البيكنج صودا لماء بارد واستخدمي فوطة قطنيه لعمل كمادات لتهدئة البشرة.
• سكرب للجسم : اخلطي البيكنج صودا مع الردة وقليل من الماء و استخدميه لتقشير الجسم و اليدين.
• مزيل لرائحة العرق : اخلطي كمية من البيكنج صودا مع زيت جوز هند نقي و استخدميه كديودرانت طبيعي.
• لتبييض الاظافر: افركي اظافرك المبللة بكمية من البيكنج صودا للتخلص من الاصفرار و البقع الداكنة.
• التخلص من روائح الاحذية: ضعي كمية من مسحوق البيكنج صودا داخل الاحذية عند حفظها للتخلص من اي روائح سيئة.
• للمعان الشعر : اشطفي شعرك بعد الشامبو بكمية من البيكنج صودا و الماء للتخلص من اثار المواد الكيميائية في مواد التجميل.
• للتخلص من روائح اليدين: بعد الطبخ افركي يديك بالبيكنج صودا للتخلص من الروائح العالقة كالبصل و الثوم .
• مبيض للاسنان: فرك الاسنان بفرشاة اسنان ناعمة و البيكنج صودا يساعد على التخلص من اصفرار الأسنان 

قطعة اساسية في دولابك و 5 لوك مختلفين.

كل سنة بيكون في موديلات معينة في الملابس لها الصدارة او الوان هي السائدة . لكن بعض الموديلات تبقى كلاسيكية تصلح لكل المواسم و ممكن تعتبريها من الاساسيات في دولابك و غالباً بيكون استثمار جيد لو اشتريتي القطعة دي عشان تفدري توفقيها مع حاجات مختلفة. من القطع الاساسية المفيدة البلوزة او القميص المنقط بالابيض و الاسود لأن الموديل المنقط متواجد باستمرار كمان تركيبة الابيض و الأسود بتليق على الوان كتير و ممكن تستفيدي منه في اكتر من موديل .النهاردة هنشوف 5 لوك مختلفين ببلوزة واحدة بالنقط الأبيض في الأسود.

 

 

موديل البلوزة الابيض في اسود موجود في السوق باشكال و اسعار مختلفة زي H&M و سعرها 199 جنيه.

الوان مانيكير الربيع 2014

كلنا بنحب المانيكير لانه جنب الشكل الحلو كتير مننا بيحسن الموود بتغيير لون المانيكير :)

انا عملت جولة في السوق عشان اشوف اخر الوان المانيكير لموسم الربيع و جمعتها النهاردة عشان تبقوا عارفينها و انتم بتشتروا المرة الجاية . اغلب الالوان فاتحة و مبهجة و متماشية مع الوان الربيع/ الصيف في الملابس و الاكسسوار . خلونا نشوف ايه اكتر الوان البارزة في الموسم ده.

الأزرق الزهري Royal Blue 

اللون ده بيظهر بقوة الموسم ده و ميزته انه قوي و لافت للنظر و ممكن يبقى لطيف مع ميكب بسيط . اللون ده بيليق مع الالوان الفاتحة زي الفضي،الابيض،الرمادي و طبعاً درجات الأزرق

الفوشيا 

درجات الفوشيا دايماً موجودة لكن الفوشيا القوي الصريح ظهر بقوة في الوان الربيع و ميزة اللون ده انه بيليق على كل الوان البشرة و ممكن يمشي مع كتير من الولان الملابس 

الوان الباستيل 

الوان الباستيل السنة دي لها النصيب الأكبر بجميع درجاتها و كمان الالوان الميتالك منها موجودة بقوة  و خصوصاً ان كتير من الوان الملابس السنة دي مشتقة من درجات الباستيل المختلفة لكن اكثر 3 الوان لفتوا نظري كانوا 

الاخضر الفاتح - Mint

الروز الفاتح - Baby pink

اللبني - Baby blue 

اما بالنسبة للانواع المتوفر فيها الالوان دي في اكتر من نوع زي اماندا و السعر بيكون من 18 الى 21 جنيه 

كمان Essie موجود دلوقت في مصر و اسعاره من 70 الى 75 جنيه و تقدروا تعرفوا اكتر عن اماكن البيع من صفحة فيس بوك الخاصة بهم https://www.facebook.com/EssieEgypt?fref=photo

استخدام الزيوت العطرية او Aromatherapy

العلاج بالروائح العطرية «الأروماثيرابي» واحدة من  طرق الطب البديل القديمة، و تستخدم لعلاج العديد من المشاكل البدنية، أو تحسين الصحة والمزاج العام، و تقوم هذه الطريقة بالأساس على استخدام الزيوت العطرية المختلفة. وتعمل عن 1- تحفيز المخ بالروايح 2- امتصاص الزيوت عن طريق الجلد (بالمساج غالباً) وتبدأ بتحفيز انزيمات الجسم.

اول معلومة لازم نعرفها ان الزيوت العطرية لا توضع على الجلد مباشرة لازم تخفف بزيت حامل و الزيت الحامل اي نوع زيت زيتون،لوز،جوز هند،جوجوبا خروع او حتى عباد شمس لكن  انا افضل زيت اللوز لانه عديم  ريحة و خفيف.

في حالات كتير ممكن نستخدم الزيوت العطرية لعلاجها و النهارده هقولكم عن بعض الزيوت و استخداماتها المختلفة.

• من اشهر الحالات التي يمكن علاجها بالزيوت العطرية الارق و افضل الزيوت اللي بتعمل كمهدىء اللافندر و الكاموميل.
• زيت النعناع ليه خواص مسكنه لالام العضلات و الصداع و علاج الغثيان
• زيت القرنفل مسكن جيد  للالام و اشهر استخداماته مع الام الاسنان.
• زيت شجرة الشاي مضاد للبكتريا و ممكن علاج الحبوب الخفيفة و فطريات الجلد .
• زيت النيرولي (زهرة البرتقال) ليه خواص مضادة للاكتئاب و الضغط العصبي و بيساعد على صحة الجلد و ريحته رائعه .
• زيت الروزماري له خواص منبهه يعني ممكن يكون بديل للقهوة J
• زيت عشب الليمون او lemon grass بيساعد على رفع الروح المعنوية و السعادة.
• زيت الياسمين ، الورد و الروزماري من الزيوت التي تساعد على التحكم في المشاعر السلبية.
• زيت القرفة مسكن لالام العضلات و محفز للذاكرة.

و دي بعض وصفات لزيوت مساج و فوائدها :

·         للاسترخاء:  يتكون من 4 نقط زيت لافندر – 4 نقط زيت كاموميل 4 معالق كبيرة زيت حامل.

·         لألام الجسم : 6 نقط زيت قرنفل – 6 نقط زيت نعناع معلقتين زيت حامل.

·         لللشد العضلي: (بعد الجيم و الرياضة) : 10 نقط زيت روزماري 8 نقط زيت لافندر و 45 مل زيت حامل.

·         لتحسين المزاج العام: 10 نقط زيت ورد و 10 نقط زيت صندل sandal wood  5 معالق كبيرة زيت لوز .

الاماكن المتوفر بها الزيوت العطرية

بعض الزيوت يمكن الحصول عليها من محلات العطارة الكبيرة خاصة في الحسين  والغورية . و كمان في بعض تركيبات الزيوت العطرية تباع جاهزة (خاصة زيوت المساج) في اماكن زي Bath&Body Works  او The body shop.

أهلاً بيكم في مدونتي Coffee Break

اهلاً بيكم.

 انا رشا و عملت المدونة دي مخصوص عشان اتكلم معاكم في الحاجات اللي بحبها وخصوصاً اللايف ستايل،الديكور،الجمال  ممكن اتكلم في الموضة و الطبيخ احياناً. باختصار كل الكلام اللي برغيه مع الناس في الحياة او على تويتر هحطه هنا و اتمنى ان حد يستفاد منه و عشان كده سمتها  Coffee break لانها بريك لي و لكم من الضغط و المواضيع الجادة في حياتنا.

لغة الكلام ممكن تكون عامية او فصحى بسيطة او انجليزي كله هيعتمد على الموضوع و الموود. و خلينا نتفق على حاجة من الاول خليكوا على راحتكم خالص هنا اللي ما يعجبكش قول و اللي يعجبك بعد اذنك تقول .

اتفضلوا معايا في عالمي الخاص .